Прэзыдэнцкая бібліятэка Беларусі выклала ў публічны онлайн-доступ паўнатэкставую калекцыю «Пэрыядычны друк Беларусі да 1945 году».
У калекцыю ўвайшлі выданьні:
- «Чырвоная змена»;
- «Рабочий»;
- «Советская Белоруссия»;
- «Звязда»;
- «Савецкая Беларусь».
Супрацоўнікі бібліятэкі намагаліся аблічбаваць як мага больш выданьняў, сказала Свабодзе загадчыца аддзелу старадрукаў і рэдкіх выданьняў Сьвятлана Паўлавіцкая:
«Цікавасьць да пэрыядычнага друку заўсёды ёсьць. Для таго каб захаваць выданьні і зрабіць іх даступнымі для чытача, зараз у многіх бібліятэках ідзе аблічбоўваньне».
Ня ўсе з дакумэнтаў калекцыі можна паглядзець і спампаваць онлайн. Калі база дадзеных не паказвае вам PDF-файл неабходнай газэты, па яе давядзецца ісьці ў Прэзыдэнцкую бібліятэку і чытаць ужо ў лякальнай сетцы афлайн.