ЗША адхілілі рашэньне Мадура аб разрыве дыпляматычных адносінаў з ЗША, паведамляе «Голас Амэрыкі». Таксама Вашынгтон заявіў, што лічыць Хуана Гуайдо часовым кіраўніком Вэнэсуэлы і заклікаў Мадура пайсьці ў адстаўку.
«Злучаныя Штаты не прызнаюць рэжыму Мадура ў якасьці ўраду Вэнэсуэлы, — заявіў дзяржсакратар ЗША Майк Пампэо. — Адпаведна, Злучаныя Штаты ня лічаць, што былы прэзыдэнт Нікаляс Мадура мае юрыдычныя паўнамоцтвы разрываць дыпляматычныя адносіны з ЗША і аб’яўляць нашых дыпляматаў пэрсонамі нон грата».
ГЛЯДЗІЦЕ ТАКСАМА: Мадура: Вэнэсуэла разрывае адносіны з ЗША, вышле дыпляматаўДзяржсакратар ЗША Майк Пампэо заявіў, што Злучаныя Штаты прызнаюць Хуана Гуайдо ў якасьці новага часовага прэзыдэнта Вэнэсуэлы і заклікаў Нікаляса Мадура сысьці ў адстаўку.
«Вэнэсуэльскі народ ужо доўгі час пакутуе ад жудаснай дыктатуры Нікаляса Мадура. Мы заклікаем Мадура сысьці, саступіўшы месца законнаму лідэру, выканаўцу волі жыхароў Вэнэсуэлы», — гаворыцца ў заяве кіраўніка Дзярждэпартамэнту.
Дзяржсакратар падкрэсьліў, што ЗША захоўваюць дыпляматычныя стасункі з Вэнэсуэлай і падтрымліваюць Хуана Гуайдо, выбраную дэмакратычным шляхам Нацыянальную асамблею і народ Вэнэсуэлы, якія мірным чынам аднаўляюць канстытуцыйны парадак у сваёй краіне.
23 сьнежня лідэр вэнэсуэльскай апазыцыі, сьпікер парлямэнту краіны Хуан Гуайдо абвясьціў сябе часовым прэзыдэнтам Вэнэсуэлы перад тысячамі прыхільнікаў, якія віталі яго на вуліцах Каракаса. Пазьней ён публічна прыняў прэзыдэнцкую прысягу.
ГЛЯДЗІЦЕ ТАКСАМА: Хто такі Хуан Гуайдо — лідэр апазыцыі Вэнэсуэлы, які абвясьціў сябе прэзыдэнтамПрэзыдэнт ЗША Дональд Трамп абвясьціў, што прызнае Гуайдо кіраўніком Вэнэсуэлы. Пасьля гэтага Нікаляс Мадура 23 сьнежня заявіў аб разрыве дыпляматычных адносінаў са Злучанымі Штатамі. Супрацоўнікам амбасады ЗША ў Каракасе далі 72 гадзіны на тое, каб сабраць рэчы і пакінуць Вэнэсуэлу.
Крыніцы ў Белым доме сьцьвярджаюць, што Трамп не выключае прымяненьня розных дзеяньняў у дачыненьні ўраду Мадура, уключаючы блякаду Вэнэсуэлы і вайсковае ўмяшаньне. Гэта можа адбыцца, калі супраць удзельнікаў пратэставых акцыяў будзе ўжытая сіла, або калі небясьпека будзе пагражаць асабіста Хуану Гуайдо.
Таксама Вашынгтон можа ўвесьці ўзмоцненыя санкцыі супраць усіх чальцоў ураду Мадура і новыя санкцыі ў дачыненьні да нафтавага сэктару краіны, калі палітычная сытуацыя ў Каракасе пагоршыцца.
ГЛЯДЗІЦЕ ТАКСАМА: У пратэстах у Вэнэсуэле загінулі людзі, дакладных лічбаў пакуль нямаЗША заклікалі Нікаляса Мадура сысьці ў адстаўку і зьвярнуліся з заклікам да іншых краінаў прызнаць Гуайдо законным прэзыдэнтам Вэнэсуэлы.
На гэтую просьбу ўжо адгукнуліся Канада і 11 краінаў, якія ўваходзяць у склад так званай «Групы Лімы» (кааліцыя лацінаамэрыканскіх краінаў, сфармаваная ў жніўні 2017 году ў пэруанскай сталіцы Ліме, яны падпісалі дэклярацыю аб непрызнаньні паралельнага вэнэсуэльскага парлямэнту — Канстытуцыйнай асамблеі, скліканай па ініцыятыве Мадура ў 2017 годзе). З 14 краін-удзельніц «Групы Лімы» толькі Гаяна, Сэнт-Люсія і Мэксыка пакуль не прызналі Гуайдо новым прэзыдэнтам Вэнэсуэлы.
ГЛЯДЗІЦЕ ТАКСАМА: Беспарадкі ў Вэнэсуэле. Сотні тысячаў на вуліцах, чатыры чалавекі загінуліУ падтрымку Нікаляса Мадура выступілі Куба і Балівія. Балівія заявіла, што мае намер праявіць «салідарнасьць з народам Вэнэсуэлы і Нікалясам Мадура», заявіўшы, што «лапы імпэрыялізму зноў спрабуюць нанесьці сьмяротны ўдар па дэмакратыі і самавызначэньню» ў Паўднёвай Амэрыцы. Старшыня Дзяржаўнай рады Кубы Мігель Дыяс-Канэль выказаў падтрымку і салідарнасьць з Мадурай у Твітэры.
Краіны Эўразьвязу пакуль не рабілі ніякіх заяваў з нагоды сытуацыі ў Вэнэсуэле. Старшыня Эўрапейскай рады Дональд Туск напісаў у Твітэры: «У адрозьненьне ад Мадура, парлямэнцкая асамблея, у тым ліку Хуан Гуайдо, атрымалі дэмакратычны мандат ад вэнэсуэльскага народа».