З тайляндзкай турмы вызвалілі Анастасію Вашукевіч (вядомую як Насьця Рыбка) і Аляксандра Кірылава (Алекса Лэсьлі), а таксама яшчэ 5 чалавек, асуджаных за незаконную арганізацыю паслуг сэксуальнага характару. Яны дэпартаваныя рэйсам з Тайлянду ў Маскву, грамадзяне Беларусі (Насьця Рыбка і Алекс Лэсьлі) па прылёце будуць адразу адпраўленыя ў Менск.
Насьця Рыбка стала вядомая пасьля расьсьледаваньня расейскага апазыцыянэра Аляксея Навальнага аб магчымых карупцыйных сувязях мільярдэра Алега Дзерыпаскі і намесьніка кіраўніка ўраду Расеі Сяргея Прыходзькі.
