Колькасьць загінуўшых у выніку абрушэньня пад’езду ў Магнітагорску ўзрасла да сямі чалавек, пра гэта паведаміў кіраўнік МНС Расеі Яўген Зінічаў. Целы траіх чалавек знайшлі пад заваламі дома пасьля наступленьня цемры.
Па словах Зінічава, разбор абломкаў пад’езду можа заняць да двух сутак.
◾Ужасная трагедия в Магнитогорске.В многоэтажке на проспекте Карла Маркса около четырех часов утра на уровне второго этажа рванул бытой газ. В результате взрыва сложились перекрытия с 3 по 10 этаж. Судьба 79 жильцов остается неизвестной.#Магнитогорск #взрывгаза pic.twitter.com/bvM7pH7erL
— СИЛОВИКИ 🇷🇺 (@SIL0VIKI) December 31, 2018
У разбураных кватэрах пражывала 46 чалавек. Усяго ў пацярпелым пад’езьдзе, па дадзеных МНС Расеі, была 51 кватэра, у якой пражывала 126 чалавек.
Прэзыдэнт Расеі Ўладзімір Пуцін прыляцеў у Магнітагорск, дзе ў 31 сьнежня ў жылым доме ўзарваўся бытавы газ. Пуцін сустрэўся з пацярпелымі ў выніку абрушэньня пад’езду, а таксама правёў нараду па ліквідацыі наступстваў аварыі.
Путин прилетел в Магнитогорск и сразу поехал на место трагедии pic.twitter.com/tlR5INKzvH
— Кремлевский пул РИА (@Kremlinpool_RIA) December 31, 2018
Владимир Путин провел совещание в штабе МЧС в Магнитогорске pic.twitter.com/VhoWezVK6e
— Дмитрий Смирнов (@dimsmirnov175) December 31, 2018
Выбух газу адбыўся ў доме каля шасьці раніцы па мясцовым часе. Абваліўся адзін з 12 падʼездаў — абрынуліся перакрыцьці паміж трэцім і 10-м паверхамі. Пашкоджаньні атрымалі 48 кватэраў.
Цяпер пад пагрозай абвалу знаходзяцца яшчэ два пад’езды. Па словах кіраўніка Магнітагорску, спэцыялісты сочаць за станам 6-га і 8-га падʼездаў дому. Заўтра эвакуіяваным дазволяць забраць свае рэчы з пакінутых у цэласьці кватэраў.
Выданьне 74.ru апублікавала відэа выбуху. Запіс зроблены на складзе, які знаходзіцца па суседзтве з абваленым пад’ездам.
У Чэлябінскай вобласьці ўвялі рэжым надзвычайнага становішча. З эфіру радыё і тэлеканалаў зьнялі навагодняе віншаваньне губэрнатара. Прэм’ер-міністар Расеі Дзьмітрый Мядзьведзеў выказаў спачуваньні родным і блізкім загінуўшых. Улады Чэлябінскай вобласьці плянуюць абвясьціць жалобу.