Вайскавод Вайскова-марскіх сілаў Украіны Ігар Варончанка ацаніў сытуацыю ў Керчанскай пратоцы як «складаную і напружаную», але запэўніў, што на ўкраінскіх бранякатэрах пануе баявая гатоўнасьць.
«Нашы экіпажы бранякатэраў знаходзяцца ў баявой гатоўнасьці і гатовыя да магчымай высадкі (расейскага — рэд.) дэсанту», — заявіў ён у Адэсе.
Камэнтуючы сытуацыю, у якой аказаліся ўкраінскія судны на ўваходзе ў Азоўскае мора, Варончанка заявіў, што цяпер цяжка спрагназаваць, колькі часу ім давядзецца чакаць магчымасьці перасекчы пратоку. Ён зьняпраўдзіў заявы Расеі, нібыта ў пратоцы судна села на мель.
ГЛЯДЗІЦЕ ТАКСАМА: Абвастраецца канфлікт паміж Расеяй і Ўкраінай у Азоўскім морыПаводле яго, цяпер у раёне Керчанскага мосту знаходзяцца восем караблёў Расеі — два судны Чарнаморскага флёту і шэсьць катэраў памежнай службы ФСБ.