Трэці камітэт Генэральнай асамблеі ААН у чацьвер, 15 лістапада, ухваліў абноўлены праект рэзалюцыі аб парушэньнях правоў чалавека ў Крыме і Сэвастопалі.
За праект рэзалюцыі прагаласавалі 67 краінаў, устрымаліся — 82, супраць — 26 дэлегацый.
#BREAKING: Профільний комітет Генеральної Асамблеї ООН схвалив ініційовану Україною резолюцію «Ситуація з правами людини в Автономній Республіці Крим та м. Севастополь, Україна». ✅За - 67, ❌проти - 26. Основні положення резолюції ⤵️ pic.twitter.com/tb0INxA0sB
— UKR Mission to UN (@UKRinUN) 15 ноября 2018 г.
У паведамленьні прадстаўніцтва Ўкраіны пры ААН удакладняецца, што супраць рэзалюцыі выступілі Расея, Армэнія, Беларусь, Балівія, Бурундзі, Камбоджа, Кітай, Куба, КНДР, Эрытрэя, Індыя, Іран, Казахстан, Кыргызстан, М’янма, Нікарагуа, Сэрбія, ПАР, Паўднёвы Судан, Судан, Сырыя, Таджыкістан, Уганда, Узбэкістан, Вэнэсуэла і Зымбабвэ.
Держави, які голосували ПРОТИ 🇺🇦 резолюції:❌Вірменія, Білорусь, Болівія, Бурунді, Камбоджа, Китай, Куба, КНДР, Еритрея, Індія, Іран, Казахстан, Киргизстан, М’янма, Нікарагуа, РФ, Сербія, ПАР, Південний Судан, Судан, Сирія, Таджикистан, Уганда, Узбекистан, Венесуела, Зімбабве❌ pic.twitter.com/Yt3tTNdqUe
— UKR Mission to UN (@UKRinUN) 15 ноября 2018 г.
Праект будзе накіраваны на разгляд Генасамблеі ААН, дзе галасаваньне чакаецца ў сьнежні гэтага году.
19 сьнежня 2017 году Генэральная асамблея ААН канчаткова ўхваліла папярэднюю рэзалюцыю «Сытуацыя з правамі чалавека ў Аўтаномнай Рэспубліцы Крым і горадзе Сэвастопаль (Украіна)». Тады 70 краін падтрымалі дакумэнт, 26 выступілі супраць, 76 устрымаліся. Супраць рэзалюцыі выступілі ў тым ліку Армэнія, Беларусь, Расея, Сырыя і іншыя краіны.
У дакумэнце зьмяшчалася патрабаваньне да Расеі выканаць часовыя захады рэкамэндацый Міжнароднага суду ААН аб адмене забароны Мэджлісу крымскататарскага народу ў Крыме і забясьпечыць навучаньне на ўкраінскай і крымскататарскай мовах на паўвостраве.
Міжнародныя арганізацыі прызналі акупацыю і анэксію Крыму незаконнымі і асудзілі дзеяньні Расеі. Краіны Захаду ўвялі супраць яе шэраг эканамічных санкцыяў. Расея адмаўляе акупацыю паўвострава і называе гэта «аднаўленьнем гістарычнай справядлівасьці». Вярхоўная Рада Ўкраіны афіцыйна абвясьціла датай пачатку часовай акупацыі Крыму і Сэвастопаля Расеяй 20 лютага 2014 году.