Дональд Трамп вырашыў пасьмяротна ўзнагародзіць Элвіса Прэсьлі прэзыдэнцкім мэдалём Свабоды — вышэйшай узнагародай ЗША для грамадзянскіх асоб.
У заяве Белага дома гаворыцца, што і праз сорак гадоў пасьля сьмерці Элвіс Прэсьлі застаецца народным кумірам. Сьпявак адправіўся служыць у войска ўжо пасьля здабыцьця сусьветнай славы.
Elvis Presley to receive posthumous Presidential Medal of Freedom https://t.co/meoAkIA2PN
— Rolling Stone (@RollingStone) 10 listopada 2018
У сьвеце прададзена больш за адзін мільярд асобнікаў кружэлак Прэсьлі. Ён быў ляўрэатам трох прэмій «Грэмі» і адным зь першых музыкаў, уключаных у «Залу славы рок-н-ролу».
На цырымоніі, якая адбудзецца 16 лістапада, мэдалём Свабоды будуць узнагароджаны яшчэ шасьцёра, сярод іх судзьдзі, спартоўцы, сэнатар.