Барысаўскі футбольны клюб БАТЭ ў матчы Лігі Эўропы супраць лёнданскага «Чэлсі» на сваім полі прайграў зь лікам 0:1. Гол у гасьцей забіў нападнік зборнай Францыі Аліўе Жыру.
Перад гульнёй былі асьцярогі, што яна можа быць скасаваная ў сувязі з моцным туманам.
Пасьля чатырох матчаў БАТЭ мае 3 пункты, як і грэцкі клюб ПАОК, і займае ў групе L апошняе месца. Нягледзячы на гэта, барысаўскі клюб захоўвае шанцы на выхад з групы.