Кіраўнік Міністэрства нацыянальнай абароны Польшчы Марыюш Блашчак заявіў, што полк у горадзе Сувалкі, разьмешчаным на мяжы з Расеяй, будзе адноўлены, паведамляецца на старонцы міністэрства ў Twitter.
«Я прыняў рашэньне аб аднаўленьні палка ў Сувалках. Бясьпека — адзін з нашых прыярытэтаў. У бліжэйшыя месяцы падразьдзяленьне, якое дзейнічае ў Сувалках, будзе павялічанае», — цытуе Мінабароны словы Блашчака.
Minister @mblaszczak: podjąłem decyzję o odbudowie pułku w #Suwałki. Bezpieczeństwo jest jednym z naszych priorytetów. W ciągu najbliższych miesięcy zostanie liczebnie zwiekszona jednostka obecnie operująca w Suwałkach.
— Ministerstwo Obrony Narodowej 🇵🇱 (@MON_GOV_PL) October 18, 2018
Цяпер у Сувалках разьмешчаны дывізіён, полк — утрая большае вайсковае падразьдзяленьне — быў расфармаваны ў 2010 годзе.
Горад Сувалкі разьмешчаны недалёка ад мяжы зь Літвой, Беларусьсю і расейскай Калінінградскай вобласьцю.
Вясной 2018 году польскае Міністэрства абароны прапанавала ЗША стварыць вайсковую базу на тэрыторыі Польшчы. Неабходнасьць у вайсковай базе Польшча патлумачыла неабходнасьцю стрымліваньня «ўсё больш моцнай і небясьпечнай пазыцыі Расеі».
У верасьні прэзыдэнт ЗША Дональд Трамп сказаў, што ў Вашынгтоне «вельмі сур’ёзна» разглядаюць запыт Польшчы на стварэньне амэрыканскай вайсковай базы на тэрыторыі краіны.