Памёр Шарль Азнавур — адзін з найпапулярнейшых сьпевакоў ХХ стагодзьдзя

Францускі музыка, пісьменьнік і актор Шарль Азнавур памёр 1 кастрычніка на 95-м годзе жыцьця, піша AFP.

Апошні канцэрт Шарль Азнавур даў у верасьні ў Японіі, напрыканцы кастрычніка ён плянаваў пачаць новы гастрольны тур.

За жыцьцё ён зьняўся ў 60 ролях у кіно, ягоных запісаў па сьвеце было прададзена ня менш за 180 млн экзэмпляраў. Паводле апытаньня Time і CNN у 1998 годзе, Азнавур прызнаны найпапулярнейшым эстрадным выканаўцам ХХ стагодзьдзя.