Каля выхаду са станцыі мэтро «Кастрычніцкая» 10 верасьня пасьля поўдня затрымалі апазыцыйную актывістку Ніну Багінскую.
Абноўлена: Ніну Багінскую аштрафавалі на 1225 рублёў.
Жанчына стаяла ля мэтро з плякатам «Беларусь рэпрэсаваная». Неўзабаве побач зь ёй зьявіліся два амапаўцы, адзін зь якіх некуды патэлефанаваў. Празь некалькі хвілінаў да іх пад’ехаў сіні мікрааўтобус, куды і суправадзілі пікетоўцу.
Плякат, зь якім Ніну Багінскую затрымалі 10 верасьня ў цэнтры Менску. Архіўнае фота Bora Pratasau
Ніна Багінская вядомая сваімі адзіночнымі пікетамі ля дзяржаўных установаў і ў цэнтры Менску. Жанчыну неаднаразова затрымлівалі і штрафавалі.
ГЛЯДЗІЦЕ ТАКСАМА: Першым ляўрэатам мэдаля імя Сяргея Ханжанкова стала Ніна Багінская ГЛЯДЗІЦЕ ТАКСАМА: Памятны знак імя Івашкевіча за масавыя акцыі атрымала Ніна Багінская