На поўначы Тайлянду чацьвёра з дванаццаці школьнікаў выведзеныя з затопленай пячоры. Пад зямлёй застаюцца дзевяць чалавек. Трынаццаць замежных дайвэраў і пяцёра тайскіх вайскоўцаў з адмысловага аддзелу марскіх апэрацыяў пачалі сёньня раніцай выратавальную апэрацыю.
Выведзеных на паверхню дзяцей зьмясьцілі ў палявы шпіталь. Затым на гелікоптэры даставілі ў шпіталь гораду Чыянграй.
Перш паведамлялі, што апэрацыя разьлічаная да 21-й гадзіны мясцовага часу. Паводле ратавальнікаў, эвакуацыя ўсіх дзяцей, якія застаюцца пад зямлёй, можа працягвацца ад трох да чатырох дзён.
Your browser doesn’t support HTML5
Чацьвярых падлеткаў выратавалі з затопленай пячоры ў Тайляндзе.
Улады заявілі, што дайвэры з усяго сьвету, у асноўным з Эўропы, бяруць удзел у выратаваньні. Таксама кажуць, што кожнага хлопчыка ў часе паступовай эвакуацыі зь пячоры будуць суправаджаць двое дайвэраў .
Хлопчыкі-падлеткі ды іхны трэнэр — разам 13 чалавек — рушылі ў паход у пячору 23 чэрвеня. У выніку рэзкага ўздыму ўзроўню вады пад зямлёй яны аказаліся заблякаванымі на вялікай глыбіні і на значнай адлегласьці (да 5 км) ад уваходу ў пячору.