Лідэр Партыі БНФ Рыгор Кастусёў быў затрыманы па дарозе ў аэрапорт. Ён зьбіраўся вылятаць у Варшаву, дзе меўся ўдзельнічаць у пасяджэньні міжнароднай камісіі Сэйму. Паплечнікі ведалі, што з дому выехаў, але ў Варшаве не зьявіўся. Тэлефон адключаны.
Увечары намесьнік старшыні партыі БНФ Аляксей Янукевіч паведаміў, што Рыгор Кастусёў знаходзіцца ў ізалятары часовага ўтрыманьня Менскага раёну. Затрыманы, на думку Янукевіча, за Курапацкую варту.
Рыгор Кастусёў — старшыня партыі БНФ. Браў удзел у прэзыдэнцкіх выбарах ў Беларусі 2010 году, але не перамог.