Народны артыст Беларусі Эдуард Зарыцкі цяжка хварэў, але сваю хваробу не афішаваў. Цела Эдуарда Зарыцкага было знойдзена 6 чэрвеня ў ягонай кватэры, паведамляе сайт naviny.by.
Эдуарду Зарыцкаму было 72 гады.
Зарыцкі больш вядомы як кампазытар-песеньнік. Сярод яго твораў — «Палыновая ростань», «Белыя крылы», «Пасьпяшайся, кумок», «Зорачка», «Замова», «Начныя кастры», «Будзьма», «Палыновая ростань» ды іншыя.
Кампазытар быў аўтарам вакальных цыкляў. Нацыянальны канцэртны аркестар Беларусі пад кіраўніцтвам Міхаіла Фінбэрга з посьпехам выканаў яго вакальныя цыклі на вершы Адама Міцкевіча (у перакладзе Васіля Жуковіча), Рыгора Барадуліна, Якуба Коласа, Уладзімера Караткевіча.
Таксама Зарыцкі пісаў музыку да спэктакляў, кінафільмаў і м'юзыклаў.
Музыка Эдуарда Зарыцкага, словы Генадзя Бураўкiна, выконвае Яраслаў Еўдакімаў
«Паверце, дзеванькі». Музыка Эдуарда Зарыцкага, словы Ўладзімера Карызны
Музыка Эдуарда Зарыцкага, словы Рыгора Барадуліна. Выконвае Якаў Навуменка
«Мара Скарыны». Музыка Эдуарда Зарыцкага. Словы Ніла Гілевіча. Выконваюць Іна Афанасьева, Андрэй Хлястоў ды іншыя
«Палыновая ростань». Музыка Эдуарда Зарыцкага. Словы Нiла Гілевіча. Выконвае Яраслаў Еўдакімаў