Вываз несанкцыянаваных адходаў з тэрыторыі пасёлка Зялёны Бор Івацэвіцкага раёна Берасьцейскай вобласьці пачнуць у бліжэйшы час, паведамляе БЕЛТА са спасылкай на Берасьцейскім абласным выканаўчым камітэце.
Сьвінцовыя адходы каля пасёлка Зялёны Бор
Жыхары пасёлку даўно просяць улады растлумачыць, калі будзе ліквідавана звалка адкідаў, якія ўтрымліваюць сьвінец.
«Івацэвіцкім райвыканкамам прынята рашэньне па вывазу за межы вобласьці несанкцыянавана разьмешчаных адходаў з тэрыторыі Зялёнага Бора ў месцы доўгачасовага захоўваньня або пахаваньня, вызначаныя Міністэрствам прыродных рэсурсаў і аховы навакольнага асяроддзям», — адзначылі ў выканкаме.
Жыхары Зялёнага Бору на сходзе
Работы будзе выконваць кампанія «Белінвэстгандаль-Сплаў» з прыцягненьнем прадпрыемстваў «Брэстаўтадор», «ДСТ № 4 горада Брэста», Івацэвіцкага лясгаса.
Плануецца, што адходы вывязуць не пазьней за 1 верасьня 2018 году.
______
Незаконная звалка з больш за 7,5 тысячы тон сьвінцовых адходаў з акумулятарнага заводу знаходзіцца ў сотнях мэтраў ад Зялёнага Бору, мястэчка, якое літаральна патанае ў сасновым лесе. Тысячы тон адходаў 3-й клясы небясьпечнасьці былі зьвезеныя пад гэты пасёлак і захоўваюцца пад адкрытым небам. Дыхаць там надзвычай цяжка.
У пачатку траўня прайшоў сход жыхароў Зялёнага Бору зь мясцовым кіраўніцтвам. Падчас сходу невядомы ў супрацьгазе кінуў на стол чыноўнікам плястыкавы пакет з адходамі са звалкі.
Your browser doesn’t support HTML5
«Колькі яшчэ будзем труціцца?». Чыноўнікам кінулі пакет зь сьвінцовымі адходамі