Зборная Беларусі па хакеі саступіла дзейным чэмпіёнам сьвету — камандзе Швэцыі. На пяць шайбаў скандынаваў беларусы ня здолелі адказаць ніводнай (0:5).
Гэта быў стартавы паядынак выхаванцаў канадзкага трэнэра Дэйва Льюіса ў групе «А». Сёньня сустрэча са зборнай Францыі. Напярэдадні французы ня мелі шанцаў у супрацьстаяньні з Расеяй — 0:7.
У іншай групе, раскватараванай у Хэрнінгу, амэрыканцы ў авэртайме даціснулі канадцаў (5:4), а гаспадары пляцоўкі — немцаў (3:2).
Згодна з рэглямэнтам спаборніцтваў, зборныя, якія зоймуць у групе 1–4 месцы, выходзяць у чвэрцьфінал. Аўтсайдэр кожнай васьмёркі аўтаматычна вылятае ў першы дывізіён.