Прэзыдэнт ЗША Дональд Трамп лічыць, што можа сустрэцца з паўночнакарэйскім лідэрам Кім Чэн Ынам у вёсцы Пханмуджом на мяжы Паўднёвай і Паўночнай Карэі.
«Многія краіны разглядаюцца як месца для сустрэчы, але ці ня будзе Дом міру/Дом свабоды на мяжы Паўночнай і Паўднёвай Карэі больш прадстаўнічым, важным і надзейным месцам, чым любая трэцяя краіна? Проста пытаюся», – напісаў Трамп ў Twitter.
27-га красавіка ў Пханмуджоме адбылася сустрэча Кім Чэн Ына з прэзыдэнтам Паўднёвай Карэі Мун Чжэ Інам. Кім стаў першым за 65 гадоў кіраўніком КНДР, які ступіў на паўднёвакарэйскую тэрыторыю.
Перамовы адбыліся ў Доме міру, на поўдзень ад мяжы ў Пханмунджоме.