Прэзыдэнт ЗША Дональд Трамп заклікаў Расею рыхтавацца да будучага ракетнага ўдару ў Сырыі. Пра гэта ён напісаў у сябе ў Твітэры ў адказ на заявы расейскага боку пра гатоўнасьць зьбіваць амэрыканскія ракеты і падаўляць пункты іх запуску.
Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!
— Donald J. Trump (@realDonaldTrump) April 11, 2018
«Рыхтуйся, Расія, таму што яны прыляцяць, добрыя, новыя і разумныя», — заявіў Трамп. «Нельга быць партнэрамі з жывёлай, якое забівае людзей газам і атрымлівае задавальненьне», — дадаў ён.
У сваім наступным допісе ў Твітэры амэрыканскі прэзыдэнт падкрэсьліў, што адносіны паміж ЗША і Расеяй «цяпер горш, чым калі-небудзь, уключаючы пэрыяд халоднай вайны». Пры гэтым, на думку Трампа, Расея цяпер мае патрэбу ў дапамозе ЗША ў галіне эканомікі, а ўсе нацыі павінны «працаваць разам».
«Спыніць гонку ўзбраеньняў?», — піша прэзыдэнт ЗША ў канцы свайго твіта.
Our relationship with Russia is worse now than it has ever been, and that includes the Cold War. There is no reason for this. Russia needs us to help with their economy, something that would be very easy to do, and we need all nations to work together. Stop the arms race?
— Donald J. Trump (@realDonaldTrump) April 11, 2018
У адказ на словы Трампа аб «разумных ракетах» у МЗС Расеі заявілі, што яны павінны ляцець у бок тэрарыстаў, а ня ў бок «законнага ўраду краіны, які ажыцьцяўляе барацьбу з тэрарызмам». Прадстаўнік ведамства Марыя Захарава таксама пацікавілася, ці ведаюць экспэрты Арганізацыі ў справе забароны хімічнай зброі аб тым, што ракеты цяпер «зьнішчаць усе доказы прымяненьня хімічнай зброі на зямлі». Пра якія менавіта доказы ідзе гаворка, яна не ўдакладніла.
Раней прэм’ер-міністр Вялікабрытаніі Тэрэза Мэй у тэлефоннай размове з Дональдам Трампам заявіла, што Лёндану неабходна больш доказаў меркаванай хімічнай атакі ў Сырыі, каб далучыцца да нанясеньня ўдараў па гэтай краіне.
Трамп раней заявіў аб тым, што на працягу 24-48 гадзін прыме рашэньне аб мерах у адказ у дачыненьні да Сырыі за меркаваную хімічную атаку. Трамп адзначыў, што ў ЗША ёсьць «мноства варыянтаў» ваеннага ўдару па Сырыі і што Вашынгтон каардынуе свае дзеяньні з саюзьнікамі, у першую чаргу з Парыжам і Лёнданам. Лідэры Францыі і ЗША раней заяўлялі, што, калі датычнасьць сырыйскага рэжыму да хімічнай атацы пацьвердзіцца, адказ будзе жорсткім.
Краіны Захаду ўскладаюць адказнасьць за меркаваную хімічную атаку ў горадзе Дума на рэжым сырыйскага прэзыдэнта Башара Асада, Расею і Іран. Дамаск і Масква адмаўляюць, што хімічная атака мела месца.
Рада бясьпекі ААН ужо два дні абмяркоўвае, ці была бамбардзіроўка раёну Ўсходняй Гуты ў Сырыі 7 красавіка, і ці была падчас яе выкарыстаная хімічная зброя.