У Магілёве зь пешаходнага моста на Быхаўскай вуліцы ў раку Дубровенку абвалілася палова парэнчаў.
Гэты мост вядзе на папулярны ў горадзе рынак непадалёк ад цэнтральнай плошчы Славы і транспартнай разьвязкі, якую два гады таму адкрываў Лукашэнка.
Па рэшце агароджы відаць, што яна згніла і ў аварыйным стане.
У выходныя на мосьце ўздоўж парэнчаў утвараецца стыхійны блышыны рынак.
З боку абвалу паставілі часовую модульную загародку. Праход праз мост не забаранялі.