Старшыня Рады БНР Івонка Сурвіла выступіла ў парлямэнце Канады з нагоды 100-х угодкаў БНР.
Атаўскі аддзел Згуртаваньня беларусаў Канады і Беларускі інстытут навукі і мастацтва ў Канадзе зарганізавалі 11 сакавіка ўрачыстае сьвяткаваньне ўгодкаў БНР. Памяшканьне для сьвята надаў парлямэнт Канады. Старшыня Рады БНР Івонка Сурвіла вітала прысутных па-беларуску, па-ангельску і па-француску.
Прадстаўнік мэрыі зачытаў віншаваньне ад мэра Атавы, выступалі дэпутаты парлямэнту, архіяпіскап Беларускай аўтакефальнай праваслаўнай царквы Сьвятаслаў.
Пасьля сьвяточнай імпрэзы адбыўся канцэрт, а потым сяброўскі пачастунак (фота Алены Лявончанкі).
Дэпутат парлямэнту Чандра Арыя вітае беларусаў Канады
Архіяпіскап Беларускай аўтакефальнай праваслаўнай царквы Сьвятаслаў
Старшыня Згуртаваньня беларусаў Канады Алена Лявончанка з дачкой перад будынкам парлямэнту ў Атаве
Падрыхтоўка да фуршэту