Сайт «МБХ-Медиа» заблякаваны ў Расеі па патрабаваньні Генэральнай пракуратуры. У гэтым выданьні працуе каманда «Открытой России» — сайт гэтага выдання таксама быў заблякаваны два месяцы таму.
Рашэньне аб блякаваньні сайта mbk.media было вынесена яшчэ 20 лютага. У якасьці прычыны ў рэестры «Роскомнадзор» пазначае «заклікі да масавых беспарадкаў, ажыццяўленьня экстрэмісцкай дзейнасьці, удзелу ў масавых (публічных) мерапрыемствах, якія праводзяцца з парушэньнем устаноўленага парадку».
По требованию Генпрокуратуры заблокировали сайт «МБХ медиа». Но наш Telegram-канал заблокировать не могут: https://t.co/usoYjU9aKH pic.twitter.com/Rmm8Mqj3Fj
— МБХ Медиа (@MBKhMedia) February 21, 2018
Выданьне «МБХ-Медиа» запусьціла каманда «Открытой России» 21 сьнежня 2017 году пасьля таго, як «Роскомнадзор» унёс сайт у рэестар забароненай інфармацыі. Рашэньне аб блякаванні было прынятае на тых жа падставах, што і забарона «МБХ-Медиа».
Пры запуску сайта бізнэсовец і палітычны эмігрант з Расеі Міхаіл Хадаркоўскі падкрэсьліваў, што выданьне належыць асабіста яму.
У сьнежні пад блякаванне ў Расеі таксама трапілі сайты «Вместо Путина», «Ходорковский.ру» і «Открытое право».