4 лютага на Кіпры стартаваў другі тур прэзыдэнцкіх выбараў. На найвышэйшую пасаду прэтэндуюць дзейны кіраўнік дзяржавы Нікас Анастасіядзіс і былы міністар аховы здароўя Стаўрас Малас, якога падтрымлівае левая «Прагрэсіўная партыя працоўнага народу».
Як паведамляюць замежныя інфармацыйныя агенцтвы, у першым туры спаборнічалі дзевяць прэтэндэнтаў, аднак ніхто з кандыдатаў ня здолеў набраць 50% галасоў электарату.
Так, за Нікаса Анастасіядзіса прагаласавалі 35,5% выбарцаў, за Стаўраса Маласа — 30,25%.
Паводле кіпрскага заканадаўства, у другім туры пераможа той, хто атрымае большую колькасьць галасоў. Чакаецца, што першыя вынікі будуць вядомыя ўжо пры канцы дня 4 лютага.