У найбуйнейшай гарачай пустыні на зямлі Сахары, разьмешчанай на поўначы Афрыканскага кантынэнту, адбылася нечаканая для гэтай мясцовасьці прыродная зьява — выпаў сьнег, паведамляе выданьне The Sun.
Сьнегапад прайшоў зраніцы ў панядзелак у раёне гораду Аін-Сафра ў Альжыры. Паводле мясцовых жыхароў, сьнежнае покрыва у асобных раёнах дасягала 40 сантымэтраў.
Да вечара сьнег пачаў раставаць, але фатографы, якія сталі сьведкамі незвычайнай для пустыні зьявы, пасьпелі зрабіць здымкі.
Il a neigé sur les dunes rouges du Sahara algérien ! #Algérie #Alger #Algeria #Algiers #Travel #NaturePhotography #NatureIsBeautiful #Tourisme #Voyage #paysage #south #Desert #Nature #DiscoverAlgeria #Picture #Sahara #photography #Hiver #Snow #الجزائر By @KSekkouri pic.twitter.com/q6mY81MnFo
— Discover Algeria (@Discover_DZ) 7 января 2018 г.
За апошнія 38 гадоў гэта трэці раз, калі ў Сахары выпадае сьнег, папярэдні выпадак здарыўся адносна нядаўна — у сьнежні 2016 году. А да гэтага падобнае адбывалася толькі ў 1979 годзе, і тое сьнег падаў толькі паўгадзіны.