Расьсьледуюцца зьвесткі пра магчымую куплю галасоў чальцоў МАК, а таксама хабары за прадастаўленьне выгадных кантрактаў на продаж алімпійскай атрыбутыкі і аказаньне паслуг, зьвязаных з правядзеньнем Алімпіяды, а таксама тэлетрансьляцыю спаборніцтваў.
Падобныя расьсьледаваньня праводзяць сама Бразылія і Францыя.
Сьледзтва вядзе брыгада сьледчых, якая ў 2015 годзе выявіла факты шырокамаштабнай карупцыі ва ўсясьветным футболе, а таксама на працягу двух гадоў расьсьледавала практыку ўжываньня допінгу расейскімі спартсмэнамі.
Амэрыканцы падключыліся да расьсьледаваньня на просьбу бразыльскіх і французскіх уладаў. Вынікам іх сумесных намаганьняў стаў арышт у кастрычніку былога старшыні Алімпійскага камітэту Бразыліі Карласа Нузмана, датычнага да подкупу чальцоў МАК.
Адным з атрымальнікаў хабараў быў сэнэгалец Папа Масата Дыяк, сын высокапастаўленага прадстаўніка МАК Ламіна Дыяка, які ў свой час быў старшынём Міжнароднай асацыяцыі лёгкаатлетычных фэдэрацый. Яго падазраюць у тым, што, знаходзячыся на гэтай пасадзе, ён за хабар утойваў факты выкарыстаньня расейскімі лёгкаатлетамі допінгавых прэпаратаў. Ламін Дыяк быў арыштаваны ў Францыі ў 2015 годзе.