Па факце нападу на банк у Магілёве заведзена яшчэ адна крымінальная справа — за разбой з ужываньнем агнястрэльнай зброі, паведамляе TUT.BY.
На прэс-канфэрэнцыі ў Магілёве кіраўнік Сьледчага камітэту Іван Наскевіч сказаў, што, нягледзячы на адмову затрыманага даваць паказаньні, сьледзтва будзе завершана за кароткі тэрмін і накіравана ў суд.
Па вэрсіі сьледзтва, 20 лістапада ўзброены грамадзянін Расейскай Фэдэрацыі ўчыніў напад на аддзяленьне «Беларусбанку». Затрыманы ўзяў у закладнікі пяць чалавек і ўчыніў перастрэлку, у якой быў паранены ў нагу. Закладнікі не пацярпелі.
Аляксандар Лукашэнка назваў гэтае здарэньне блізкім да тэракту.