Нарбэр Гэнёт, «Без загалоўка»
Прыемна бачыць вынікі сваёй працы. Па-добраму зайздрошчу будаўнікам, інжынэрам, пекарам, самым розным майстрам, якія ствараюць з розных матэрыялаў прыгожае і вытанчанае… Зайздрошчу людзям, якія дасканала ведаюць тое, чым займаюцца і шчыра любяць сваю справу.
Сёньня пазайздросьціў нават дворніку, які ў сонечную раніцу падмятаў вуліцу. І ня проста падмятаў, а ўкладаў у гэтую справу ўсё сваё ўмельства: яго рухі былі вольныя, мятла прыгожа «танчыла» па асфальце, падымаючы лёгкі пыл, які нават не асядаў на яго аранжавай форме. Чалавек-апэльсін, чалавек-майстар! Такое стаўленьне да працы ня можа не выклікаць павагі. І як жа моцна захацелася памяняцца месцамі з гэтым чалавекам… Вельмі-вельмі!
Яўген Мартыновіч
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
Часовая зьмена: ад 18 верасьня да 31 кастрычніка 2017 рубрыка «100 словаў» будзе абнаўляцца тры разы на тыдзень замест звычайных шасьці.