Першая ахвяра вучэньняў «Захад-2017» — самалёт Ту-22М3. Здарэньне адбылося на авіябазе Шайкоўка, што ў Калускай вобласьці Расеі.
Самалёт Ту-22М3 выкаціўся з узьлётна-пасадачнай паласы. У выніку інцыдэнту разьбіўся корпус самалёта. Ён не падлягае аднаўленьню. Ніхто з экіпажу не пацярпеў. Праводзіцца праверка па гэтым выпадку.
Падобны інцыдэнт адбыўся на гэтай жа авіябазе летась у чэрвені, нагадваюць карыстальнікі Твітэру.
Сумесныя вучэньні Беларусі і Расеі «Захад-2017» працягнуцца да 20 верасьня.