Пра гэта гаворыцца ў заяве, апублікаванай на сайце ведамства ў сераду, 13 верасьня.
Паводле паведамленьня, дзяржустановы павінны на працягу 30 дзён выявіць, якія прадукты кампаніі выкарыстоўваюцца ў офісах, і на працягу 60 дзён распрацаваць плян па іх выдаленьні.
У якасьці прычыны міністэрства называе рызыкі інфармацыйнай бясьпекі. Дадзеныя кампутараў з усталяванымі праграмамі «Лябараторыі Касьперскага» могуць быць выкарыстаны для кібэратакі зламысьнікаў, гаворыцца ў заяве.
«Дэпартамэнт занепакоены сувязьзю паміж некаторымі супрацоўнікамі „Касьперскага“ і расейскай выведкай і іншымі дзяржаўнымі органамі, а таксама патрабаваньнямі расейскага заканадаўства, якія дазваляюць расейскім спэцслужбам запытваць або прыцягваць дапамогу ад „Касьперскага“ і перахопліваць камунікацыі, якія праходзяць праз расейскія сеткі», — адзначылі прадстаўнікі ведамства.
Як паведамляе расейскі інфармацыйны партал Lenta.ru, у канцы чэрвеня агенты Фэдэральнага бюро расьсьледаваньняў (ФБР) наведалі ня менш за 10 супрацоўнікаў «Лябараторыі Касперскага», якія пражываюць у ЗША. Тады ў спэцслужбе адзначалі, што ня маюць прэтэнзій да супрацоўнікаў антывіруснай кампаніі і спрабавалі высьветліць, якую інфармацыю антывірус можа перадаваць у Расею.