У Магілёве адзначылі 500-годзьдзе беларускага кнігадруку флэш-мобам

«Ні на кога не спадзеючыся, вырашылі самі адзначыць», — тлумачыць кіраўнік гарадзкой суполкі ТБМ Алег Дзьячкоў.

У Магілёве прайшоў флэш-моб: калектыўнае чытаньне беларускіх кніг. Для свайго флэшмобу ТБМаўцы абралі мясьціну, дзе некалі была магілёўская друкарня. Тут выдаваў кнігі пасьлядоўнік Францішка Скарыны — Сьпірыдон Собаль.