Некалькі чалавек атрымалі раненьні ў выніку страляніны ў Сан-Францыска ў сераду а 9-й гадзіне раніцы.
Паведамляецца, што гэта адбылося каля вялікага цэнтру паштовай службы UPS. Сьведкі кажуць, што чулі некалькі стрэлаў і бачылі людзей, якія беглі з будынку UPS.
Прадстаўнік галоўнага шпіталя Сан-Францыска паведаміў, што ў лякарню трапіла некалькі ахвяраў, аднак не сказаў, колькі і ў якім стане.
Паведамляецца, што нападнік быў таксама паранены і дастаўлены ў шпіталь.
Паводле зьвестак тэлеканалу NBC News, у выніку нападу два чалавекі былі забітыя і пяцёра параненыя.