Разнавіднасьць сонечнага гало можна было назіраць у вечаровым небе над Ратамкой 19 мая. Сьветлавы слуп быў зафіксаваны астраномам-аматарам Андрэем Лейчыкам з групы «Астроромантика».
«Сьветлавы слуп аранжавага адценьня высьвяціў паўночна-заходні гарызонт на некалькі хвілін. Сьветлавы слуп быў досыць яркім і візуальна назіраўся як яркая вогненная паласа сьвятла, якая ўзьнімаецца з-пад гарызонту ў вечаровае неба! Цудоўная прыгажосьць!» — напісаў Андрэй.
Сьветлавы (або сонечны) слуп — адзін з самых частых відаў гало, візуальная атмасфэрная зьява, аптычны эфэкт, які ўяўляе сабой вэртыкальную паласу сьвятла.
Фота публікуецца з дазволу аўтара.