Сустаршыню Беларускай хрысьціянскай дэмакратыі Віталя Рымашэўскага суд Савецкага раёну Менску 29 красавіка аштрафаваў на 50 базавых велічынь — 1150 рублёў.
На гэты раз прысуд вынесены за ўдзел у мітынгу 3 сакавіка ў Курапатах.
«Цікава, колькі яшчэ позваў у іх падрыхтавана за гэтую вясну. Такое ўражаньне, што ў кагосьці на кампутары заліпла клявіша і сыстэма аўтаматам выдае «позва-суд-прысуд», — адзначыў сустаршыня БХД, камэнтуючы падзею для сайту БХД.