«Ці будзе Польшча рабіць адносіны зь Беларусьсю цяплейшымі любым коштам?»
«Пацяпленьне польскіх адносін зь Менскам усё яшчэ актуальнае, рэпрэсіі і новыя палітвязьні не перашкаджаюць».
З такімі загалоўкам і падзагалоўкам выйшаў артыкул ва ўплывовай польскай газэце Rzeczpospolitа.
На думку аўтара артыкула Руслана Шошына, у Польшчы пануе меркаваньне, што лепш мець стасункі з такой Беларусьсю, якая ёсьць цяпер, чым зь Беларусьсю, якая яшчэ больш схіліцца ў бок Расеі (у выпадку новых заходніх санкцый. — РС).
«Польская дыпляматыя любым коштам хоча даслаць Лукашэнку сыгнал, што ёсьць яшчэ магчымасьць адмовы ад рэпрэсій і што цяпер Менск ужо балянсуе на чырвонай лініі», — цытуе Rzeczpospolitа Паўла Коваля (Paweł Kowal), колішняга намесьніка міністра замежных спраў Польшчы.