Актывіста «Эўрапейскай Беларусі» Яўгена Афнагеля, які ехаў на машыне дадому, 22 сакавіка ўвечары затрымалі супрацоўнікі ДАІ і адвезьлі ў Першамайскае РУУС Менску. Яго абвінавацілі ў «непадпарадкаваньні міліцыі» і ў пастарунку асудзілі на 15 сутак.
А ператрус у кватэры правялі быццам бы па крымінальнай справе — за «псаваньне маёмасьці Белтэлерадыёкампаніі ў чэрвені 2016 году».
Канфіскавалі два ноўтбукі, налепкі, майку з «Пагоняй» і кнігу Саньнікава, паведаміла Свабодзе жонка Яўгена Афнагеля Кацярына. Яўген Афнагель адбывае пакараньне ў турме на Акрэсьціна.