14 сакавіка ў Бярозе зноў быў затрыманы актывіст Аб’яднанай грамадзянскай партыі Аляксандар Кабанаў.
Абнаўленьне: Суд над актывістам Кабанавым перанесьлі, цяпер ён на волі
Супрацоўнікі Бярозаўскага РАУСа прыйшлі да яго дадому а 20.20 і сказалі, што павінны даставіць у аддзел для допыту наконт «Маршу недармаедаў» 5 сакавіка ў Берасьці, паведамляе праваабарончы цэнтар «Вясна».
«На 15 сакавіка заплянаваная акцыя, адным з арганізатараў якой зьяўляецца Аб’яднаная грамадзянская партыя, прычым спадар Кабанаў зьбіраўся ехаць на яе. Такім чынам абмяжоўваюць колькасьць магчымых удзельнікаў заўтрашняй акцыі», — сказаў праваабаронца Сяржук Русецкі.
Паводле Русецкага, хутчэй за ўсё, Кабанава зноў будуць судзіць, каб ня даць яму магчымасьці ўдзельнічаць у акцыях 15 і 25 сакавіка.
Аляксандар Кабанаў выйшаў на волю 13 сакавіка пасьля пяці сутак арышту.