«Мы разьвітваемся з чалавекам-эпохай, нашым сябрам Фідэлем» — Віктар Шэйман на Кубе

Кіраўнік справамі прэзыдэнта Беларусі Віктар Шэйман выступіў на разьвітаньні зь Фідэлем Кастра, якое адбылося на Кубе 29 лістапада. Фідэль Кастра памёр 26 лістапада ва ўзросьце 91 году. Ён узначальваў камуністычную астраўную дзяржаву на працягу амаль паўстагодзьдзя, пры ім дзяржава была жорсткай дыктатурай. Пахаваньне Фідэля Кастра павінна адбыцца 4 сьнежня ў сталіцы краіны Гаване. У сувязі са сьмерцю Кастра на Кубе абʼяўленая 9-дзённая жалоба.