Дзяды – старадаўняя рэлігійна-народная традыцыя прыгадваньня продкаў; у гэты дзень наведваюць магілы продкаў і памінаюць іх за сямейным сталом. У апошнія дзесяцігодзьдзі дэмакратычная грамадзкасьць на Дзяды ўшаноўвае ахвяраў палітычных рэпрэсіяў, выбітных змагароў за свабоду Беларусі. У першай палове 1990-ых у Беларусі Дзяды адзначаліся як дзяржаўнае сьвята.
Менск — адкрыцьцё юбілейнай выставы Сьвятланы Кастрыцы «Прастора і сьвятло». Мастацкая галерэя «Унівэрсытэт культуры» (пл. Кастрычніцкая,1). Пачатак а 17-ай.
Менск — пасяджэньне экспэртнага клюбу на тэму «Што можа даць грамадзянам Беларусі далучэньне да Эўрапейскага Зьвязу?». Офіс Аб’яднанай грамадзянскай партыі (вул. Харужай, 22), пачатак а 14-ай.
Прага — ушанаваньне памяці прэзыдэнтаў БНР Пётры Крэчэўскага і Васіля Захаркі, а таксама знакамітага сьпевака Міхася Забэйды-Суміцкага на Альшанскіх могілках. Пачатак а 12-ай.
У гісторыі:
1648 — упершыню ў Рэчы Паспалітай быў учынены габрэйскі пагром. Здарылася гэта на ўкраінскіх землях, а загадаў зрабіць пагром Багдан Хмяльніцкі. Ягоны загад абярнуўся сапраўднай трагедыяй. За адзін дзень казакі забілі больш за 12 тысяч габрэяў.
1939 — на пазачарговай сэсіі Вярхоўнага Савету СССР у Маскве быў прыняты закон пра ўлучэньне Заходняй Беларусі ў склад Савецкага Саюзу і ўваходжаньне яе ў Беларускую ССР.
1943 — пачалася дэпартацыя карачаеўцаў у Сібір і Сярэднюю Азію.
1967 — у Менску быў адкрыты Дзяржаўны музэй Беларусі. На сёньня гэта — найбуйнейшая беларуская скарбніца духоўных і матэрыяльных здабыткаў культуры, што мае назву «Нацыянальны музэй гісторыі й культуры Беларусі».
1993 — палата лордаў брытанскага парлямэнту прыняла рашэньня пасьвячаць жанчын у духоўны сан.
2002 — ва ўрочышчы Курапаты ўсталяваны крыж-капліца з абразом Маці Божай Курапацкай усіх нявінна расстраляных аўтарства Аляксея Марачкіна.
У гэты дзень нарадзіліся:
1699 — Жан Батыст Шардэн, славуты францускі жывапісец. Менавіта Шардэн стаў пачынальнікам рэалізму ў францускім мастацтве.
1755 — Марыя Антуанэта, француская каралева, жонка Людовіка XVI, пакараная сьмерцю на гільятыне ў 1793 годзе.
1836 — беларускі мастак і ўдзельнік паўстаньня Каліноўскага Міхал Андрыёлі.
1869 — Язэп Стаброўскі, археоляг, краязнаўца, філёзаф, вынаходнік. Заснавальнік аднаго з старэйшых у Беларусі Слонімскага краязнаўчага музэю.
1906 — Зьміцер Бяляцкі, беларускі мэдык і навуковец, дзяржаўны дзяяч.
1909 — Максім Лужанін, беларускі паэт, перакладчык які быў сакратаром Якуба Коласа і напісаў кнігу «Колас расказвае пра сябе».
1913 — Мікалай Сірата, беларускі фізык, акадэмік.
1930 — паэт і дзяяч беларускай супольнасьці ў Польшчы Алесь Баршчэўскі-Барскі.
У гэты дзень памерлі:
1895 — Жорж Шарль Дантэс, забойца расейскага паэта Аляксандра Пушкіна.
1950 — Бэрнард Шоў, ангельскі пісьменьнік, ляўрэат Нобэлеўскага прэміі па літаратуры 1925 году.
1959 — Аляксандрар Орса, беларускі пэдагог, грамадзкі і палітычны дзяяч, міністар асьветы ва Ўрадзе БНР на эміграцыі, адзін з заснавальнікаў Беларуска-Амэрыканскага Задзіночаньня.
Цытата:
Суджана, стаўлена пад перакладзіны,
Сечана, палена, а не аддадзена,
Не парастрачана і не раскрадзена,
Рупна ў падмуркі на золку пакладзена
Роднае слова.
Максім Лужанін