Героі Лявона Вольскага Саўка ды Грышка дыскутуюць пра дажджы і газавыя спэчкі з Расеяй.
Your browser doesn’t support HTML5
Саўка ды Грышка: "Мы хочам таньней, а Расея ня хоча"
Грышка:
Вось газ струмяніцца, вось нафта булькоча...
Мы хочам таньней, а Расея ня хоча.
Саўка:
Ты зь нефцью і газам сваім падажджы!
Сінопцікі нам абяшчаюць дажджы.
Грышка:
Пампуецца газ, і нафта цячэ..
Нічога мы не падпісалі яшчэ.
Саўка:
Вчэра залівала. Сягоньня — апяць.
Дажджзей абяшчаюць нам сутак на пяць.
Грышка:
З Расеяй нам наканавана быць разам.
Мы нафты зь ёй вып’ем, занюхаем газам!
Саўка:
Всё льёт дождзь, і есьлі так дальшэ пайдзёт,
Затопіць і дачу, і сад-агарод.
Грышка:
Затопіць краіну, урад і народ...
Саўка:
Затопіць і нефце- і газаправод.