У сераду ў Брусэлі невядомы параніў нажом двух паліцыянтаў. Пракуратура Бэльгіі разглядае вэрсію тэракту, паведамляе агенцтва Reuters.
Адзін з афіцэраў паранены ў шыю, другі — у жывот. Паліцыянты паранілі нападніка ў нагу, пасьля чаго яго забрала хуткая дапамога.
У жніўні ў горадзе Шарлеруа ўзброены мачэтэ мужчына параніў дзьвюх жанчын-паліцыянтак. Нападнік быў забіты. Адказнасьць за напад ўзяла на сябе экстрэмісцкая групоўка «Ісламская дзяржава». Улады Бэльгіі кваліфікавалі атаку як тэракт.
У 2016 годзе ў Эўропе адбылася сэрыя нападаў. У выніку нападаў загінулі і атрымалі раненьні дзесяткі жыхароў Нямеччыны, Францыі і Бэльгіі. У большасьці выпадкаў адказнасьць брала на сябе групоўка «Ісламская дзяржава».