Ён выступіў разам зь юнай скрыпачкай Мішэль Бушковай.
«Калі падчас канцэрту ваша дзіця будзе шумна сябе паводзіць — гэта добра. У гэтых сьценах яму дазваляюцца такія паводзіны», — сказаў перад пачаткам імпрэзы Прутсман.
Стывэн — сам бацька 15-гадовага сына з аўтызмам, таму ведае пра складаны бацькоўскі шлях.
На сцэне Стывэн Прутсман, юная скрыпачка Мішэль Бушкова і яе тата Яўген Бушкоў, кіраўнік Дзяржаўнага камэрнага аркестру Рэспублікі Беларусь
«Многа сьлёз і нечаканасьцяў падсьцерагаюць бацькоў у выхаваньні нашых дзяцей. Аднак мой сын навучыў мяне быць лепшым. Ён — самы лепшы сябра на ўсё жыцьцё», — сказаў Стывэн.
Музыкант ладзіць такія канцэрты-сустрэчы ва ўсіх краінах сьвету, дзе яму даводзіцца выступаць. У Беларусі Прутсман упершыню. Ён адкрывае новы сэзон у Вялікай канцэртнай залі менскай філярмоніі. Паслухаць віртуоза на вялікай сцэне можна будзе 20 верасьня.
Марына Яўсейчык для Радыё Свабода, фатаздымкі аўтара