На вуліцы Гогаля ў Берасьці адбыўся «парад» зь некалькіх адзінак бранятэхнікі часоў другой сусьветнай вайны, каля помніку тысячагодзьдзю Берасьця прайшла калёна «чырвонаармейцаў» з рэканструктарскіх клюбаў розных краінаў.
Парад бранятэхнікі перадваенных часоў у Берасьці
Берасьцеец прыйшоў у цішотцы ў гонар свайго дзеда
Сотні берасьцейцаў прыйшлі паглядзець на танцы савецкай эпохі, многія апраналі майкі з савецкай сымболікай. Працаваў намёт, дзе жадаючыя за мільён рублёў маглі набыць сваім дзецям чырвонаармейскую вопратку.
За мільён рублёў некаторыя берасьцейцы набывалі сваім дзецям форму чырвонаармейцаў
Маленькія дзяўчынкі ў вайсковай форме
Каля стэнду НКВД выступаў прамоўца, які чытаў вершы савецкіх паэтаў 20-30-х гадоў у гонар чэкістаў, якія «выкрывалі здраднікаў Радзімы».
Каля стэнду НКВД чыталіся вершы ў гонар чэкістаў, якія “выкрывалі здраднікаў Радзімы”
Працавала шмат выставаў фотаздымкаў, плякатаў савецкіх часоў.
Падлетак начышчае абутак чалавеку з расейскім сьцягам на шэўроне
Прысутнічала шмат расейцаў, некаторыя зь якіх уздымалі сьцягі сваіх унівэрсытэтаў, рэканструктарскіх клюбаў. На гуляньнях у суправаджэньні расейскіх афіцэраў прысутнічаў былы генэральны консул Расеі ў Берасьці Мікіта Маткоўскі.
Былы генэральны консул Расеі ў Берасьці Мікіта Маткоўскі (другі справа)
Сярод звычайных гараджанаў прагульвалася міліцэйскае кіраўніцтва Берасьця, апроч міліцыянтаў у форме прысутнічалі і людзі ў цывільным з рацыямі.
Мужчына з вымпелам у гонар наркама НКВД Лаўрэнція Берыі
“Чырвонаармейцы” гутараць за куфлям піва
“Дайшлі да Бэрліна” – цішотка на ўдзельніку берасьцейскіх гуляньняў
На досьвітку 22 чэрвеня ў Берасьцейскай крэпасьці адбудзецца рэканструкцыя нападу Нямеччыны на Савецкі саюз, у якой прымуць удзел дзясяткі вайскова-рэканструктарскіх клюбаў зь многіх краінаў. У гэтым годзе ў Берасьце прыехалі рэканструктары нават зь Японіі.
“Чырвонаармейцы” каля помніку тысячагодзьдзю Берасьця