Аўтапарад Перамогі ў Бабруйску са сьцягамі РФ і РСФСР

У Бабруйску 9 траўня прайшоў аўтапарад Перамогі, зладжаны мясцовай суполкай «Аўтаканал Бабруйск». Удзельнічалі каля 90 машын, былі госьці з Расеі ды з Крыму. Напярэдадні суполка распаўсюдзіла настойлівую рэкамэндацыю ўладаў ня мець на машынах ці адзеньні георгіеўскія стужкі й іншую расейскую сымболіку. Аднак за выкананьнем гэтага ніхто не сачыў, і многія ўдзельнікі прыбылі і з георгіеўскімі стужкамі, і нават са сьцягамі РФ і РСФСР.