Беларускую тэнісістку Вікторыю Азаранку аштрафавалі на 2,5 тысячы даляраў за непрыстойны жэст на адрас расейскіх заўзятараў, паказаны падчас матчу з расейкай Дар’яй Касаткінай на Кубку Фэдэрацыі ў Маскве.
Пра гэта паведамляе ТАСС са спасылкай на Міжнародную фэдэрацыю тэніса (ITF).
«Азаранку аштрафавалі на $2,5 тысячы за неспартовыя паводзіны», — паведамілі ў прэс-службе фэдэрацыі.
Матч плэй-оф Сусьветнай групы Кубка Фэдэрацыі Расея — Беларусь праходзіў 16–17 красавіка ў Маскве. Беларускія тэнісісткі перамаглі зь лікам 3:1.
У нядзелю, падчас гульні Азаранкі з Касаткінай, беларуская тэнісістка выказала незадаволенасьць шумам, што даносіўся з трыбун, скрыжаваўшы рукі ў зьняважлівым жэсьце.