Пра гэта Свабодзе паведаміў старшыня Саюзу беларускіх пісьменьнікаў Барыс Пятровіч.
Разьвітаньне з народным паэтам Беларусі пройдзе з 11 да 13 гадзінаў у Сьвята-Петрапаўлаўскім саборы (Менск, вул. Ракаўская, 4). А 13-ай там жа пачнецца пахвальная царкоўная служба.
Пахаваюць Ніла Гілевіча на Кальварыйскіх могілках, каля жонкі.
Народны паэт Беларусі Ніл Гілевіч памёр 29 сакавіка ў Менску, на 85-ым годзе жыцьця.
Ніл Гілевіч — паэт, перакладчык, аўтар дзясяткаў паэтычных зборнікаў, кніг па літаратуразнаўстве і фальклярыстыцы. Сябра Саюза пісьменьнікаў з 1954 году.