У Іране вызваленыя 4 зьняволеных, у тым ліку супрацоўнік амэрыканскай газэты «Вашынгтон пост» Джэйсан Рэзаян.
Рэзаян, які мае іранскае і амэрыканскае грамадзянства, правёў больш за год у турме, куды быў зьмешчаны па абвінавачваньні ў шпіянажы і антыдзяржаўнай прапагандзе.
Іншыя трое адпушчаных на волю маюць такое ж падвойнае грамадзянства. СМІ мяркуюць, што гэта — былы марскі пяхотнік Амір Хекмані, пастар Саід Абедзіні і прадпрымальнік Сіямак Намаз. Лічыцца, што рашэньне аб вызваленьні прынятае ў рамках абмену зьняволенымі з ЗША.
Міжнароднае агенцтва па атамнай энэргіі на пасяджэньні ў Вене сёньня павінна пацьвердзіць выкананьне Іранам абавязацельстваў па згортваньня ягонай ядзернай праграмы і аб’явіць аб зьняцьці зь яго міжнародных санкцый.