Музычныя героі Лявона Вольскага Саўка ды Грышка прыгадваюць падзеі 2015 году — перамовы ў Менску наконт перамір’я ва ўсходняй Украіне, падзеньне заробкаў, вызваленьне палітвязьняў, выбарчую кампанію, спрэчкі вакол расейскай авіябазы і нобэлеўскай прэміі Сьвятланы Алексіевіч.
Грышка:
Зараз, cябры, я вам распавяду,
Саўка:
Як мы жылі у прашэдшэм гаду.
Грышка:
Лета і восень, зіма і вясна...
Саўка:
Как гаварыцца, ўсяго да храна.
Грышка:
Лідэры Эўропы сабраліся ўсе
Саўка:
У мінскім дварцэ незавісімасьці.
Грышка:
Нешта казалі і вырашалі.
Саўка:
Я ўжэ січас і ня ўспомню дэталі.
Грышка:
2015-ы амаль за кармой.
Саўка:
Он гдзе-та быў харошы,
А гдзе-та быў плахой.
Грышка:
Зь ім хутка разьвітаемся.
Саўка:
Давай, пака!
Грышка:
Сустрэнемся ў 16-м!
Саўка:
Наверняка.
Грышка:
Яшчэ ў гэтым годзе ўпала зарплата.
Саўка:
НАТА, канечне, ва ўсім вінавата.
Грышка:
І палітвязьні выйшлі з турмаў.
Саўка:
А вы гаварыце, што ў нас дыктатура!
Грышка:
А потым пачаўся перадвыбарчы цырк.
Саўка:
Да ўсё было нармальна, какой тут цырк, старык?
Грышка:
У сэнсе, што была нават жанчына-кандыдат...
Саўка:
Но выбары выйграў тот жа, хто ўсягда.
Грышка:
Тым часам у Бабруйск прыляцела зараза.
Саўка:
Ты пра што? Пра рускую ваенную базу?
Грышка:
І я болей чым упэўнены: яна там будзе.
Саўка:
Так ніхто ж і ня проціў. Адабраюць людзі.
Грышка:
І апошняя тэма нашага бліца.
Саўка:
Беларускі Нобель у нас паявіўся.
Грышка:
І мы Сьвятлану сардэчна віншуем!
Саўка:
Пісацельніцу спорную, но, несамненна, бальшую.
Грышка:
2015-ы амаль за кармой.
Саўка:
Он гдзе-та быў харошы,
А гдзе-та быў плахой.
Грышка:
Зь ім хутка разьвітаемся.
Саўка:
Давай, пака!
Грышка:
Сустрэнемся ў 16-м!
Саўка:
Наверняка.