Некалькі чалавек параненыя ў выніку страляніны, якую зладзілі невядомыя ля гатэлю Silken у цэнтры Барсэлёны.
Гатэль месьціцца каля папулярнага сярод турыстаў пешаходнага бульвара Рамбла.
Як паведамляе ВВС, паліцыянты распачалі пошук нападнікаў, якім удалося ўцячы.
Паводле папярэдніх дадзеных, стралкоў было двое. Іх матывы пакуль невядомыя.
Барсэлёна - адно з папулярных месцаў адпачынку і турызму для беларусаў, якія выяжджаюць за мяжу.
