Кіраўнік Камітэту дзяржаўнай бясьпекі Валеры Вакульчык ня бачыць у Беларусі перадумоваў для масавых пратэстаў.
Адказваючы на пытаньні журналістаў у кулюарах Палаты прадстаўнікоў нацыянальнага сходу, ці бачыць ён перадумовы для масавых пратэстаў кшталту тых, якія адбываюцца ў Армэніі, старшыня КДБ Валеры Вакульчык заявіў: «Стабільная сытуацыя ў нас. Перадумоваў для пратэстаў мы ня бачым. І натуральна, што ўлада гэтага не дапусьціць».