Вярхоўны суд ЗША абвясьціў 26 чэрвеня, што аднаполыя пары маюць права ўступаць у шлюб у любым месцы ў Злучаных Штатах.
Да гэтага рашэньня пары геяў і лесьбіянак маглі ўступаць у шлюб ў 36 штатах і ў акрузе Калюмбія.
Рашэньне суду азначае, што іншым чатырнаццаці штатам давядзецца скасаваць забарону на аднаполыя шлюбы.
Вэрдыкт стаў кульмінацыяй двух дзесяцігодзьдзяў судовых разглядаў у Вярхоўным судзе праблемы шлюбу і правоў геяў у цэлым.
Прэзыдэнт ЗША Барак Абама вітаў рашэньне Вярхоўнага суду, заявіўшы, што гэта «вялікі крок» да роўнасьці.
«Сёньня зьдзейсьнены вялікі крок у нашым шляху да роўнасьці. Геі і лесьбіянкі атрымалі права ўступаць у шлюб, як і ўсе астатнія», — напісаў Абама ў сваім акаўнце ў Twitter.
