Беларусь, Малдова і Ўкраіна заслугоўваюць шанец далучыцца да ЭЗ і НАТО, калі будуць адпавядаць крытэрам гэтых арганізацый, заявіў амэрыканскі сэнатар Джон Макккейн падчас дыскусіі на міжнароднай канфэрэнцыі ў Браціславе ў пытаньнях глябальнай бясьпекі.
Маккейн адказваў на пытаньне вядоўцы дыскусіі, палітычнага аналітыка Робіна Шэфэрда, ці не адчувае ён шкадаваньня, што заходнія суседзі Расеі 5-10 гадоў таму не атрымалі такога шанцу, і ці лічыць ён, што цяпер ён канчаткова згублены.
У адказе Маккейн падкрэсьліў, што абавязковай умовай для сяброўства ў НАТО зьяўляецца дэмакратызацыя краіны.